Hello，我係 Caitlyn，Waggie Waggiee 嘅創辦人。
我係兩隻狗狗加兩隻貓貓嘅媽媽，自從佢哋走入我生命開始，一切都變得唔一樣。
 

2022 年，我嘅十B 踏入老年，由佢「砰」一聲跌落地下，全身抽搐嗰一刻開始，我就決定辭去一份做咗接近十年嘅工作，專心陪佢走最後一段路。係佢教識我放慢腳步、真心去愛，亦令我學識珍惜每一下搖尾巴同每一聲呼嚕。
多謝你，十十，媽媽永遠愛你。

即使十仔已經回到天家做小天使，但呢份愛會一直都喺我心入面。
就係咁，我創立咗 Waggie Waggiee。
 

Waggie Waggiee 唔只係一個品牌，而係我對毛孩生活方式嘅一份信念，
希望可以推動真正嘅人寵共融，建立有愛有連結嘅社區。
 

透過推廣全面寵物身心健康（Pet Wellness）理念，由促進社交嘅寵物陪伴服務，到保護年長毛孩關節健康嘅功能用品，再到由寵物營養師設計、針對毛孩體質嘅鮮食餐單，我哋都一一為你準備好。
 

誠邀你加入 Waggie Waggiee 嘅大家庭，一齊為我哋嘅毛孩打造一個真正快樂、
有質素、有尊嚴嘅生活。